.
نوستالژیک آبسورد
تکرارلانیرقارانلیقلاردا
اتاقلارین گیزلی لیینده
بعضن ده
یاساق لار یاتاغیندا.

سوزجوک لر سوزولور
سالخیم شراب لارا
دؤهول لر چالینیر
گئجه ایکن قولاقلارا

یاریش باشلاییر ؛
آغ ملفه لر، سئوگی یه قاناییر.

قازانان سن اولورسان
بیر ده ، ذره جیک !

بیریکیر گؤبک باغی ، دوققوز آیینا
حیات، آیاق باسیر بوغازینا
باغیریرسان!

نسیل، دایانیر سنده
آتانین آدی، بیتیر سنده
دووارلار یارپاقلانیر، گولله نیر سنده

زامان بویلانیر بویوندا، چیچکله نیر جانیندا...

یاشامین یازیر، آتا بی لرین قلم لرینی
يوللارين داشی، آغلاییر آیاقلارینی
آددیملاییرسان؛
زیروه لر اینتیحار ائدیر آغیرلیغینی
دنیزین دیبی، بوغولور بویونو.
سن یئنه کؤلگه لرده، دوغورسان اؤزونو!