بیر شعر

اولکر اوجقار

.

گیزلی اؤپوشون ایزلری قالار آدامین یاناق‌لاریندا

یانیق یاراسی کیمی

دئیردی اننم آغ بیرچیینه ال چکیب

سیرغا‌لارینی سسلندیررکن

و آیاق‌لاریندان آسیلمیش بیر جوت قوش کیمی

پهلوی سیککه‌لری قول-قاناد چالدیقجا

آجیق‌لی باخاردی منه

مدر‌سه اوشاغی من اؤپوش بیلمزدیم

اؤزوده گیزلی‌سین!

یازیق قاریجیق اننم

یازیق قادین!

گؤینه ‌ییب یاندی دا

کؤکسوم ده اته ییمده اللریمده یاندی

یالنیز یاناق‌لاریم دئییل

بوینومدا بویون باغیم

تئل سانجاغیم دا تئلیمده یاندی

ایزلری قالما‌دان!