1932 ايلينده آلمانلی بير آتا و آمریکالی بير آنادان، ماساچوستس‌دا دونیایا گلدی. پروفسور اولان باباسی 1940 ايلينده اؤلدو. پلات ايلک شعرينی 8 ياشيندا ياييملادی.

پلات، حياتی بويونجا ايرلی درجه‌ده دلی‌لیک و استرسله بوغوشدو. 1950 ايلينده بورسلا گيرديیی اسميت کالج‌ده‌کی ايکينجی ايلينده، ايلک دفعه اؤزونو اؤلدورمه‌یه چالیشدی و بير روانی بیمارستان‌دا ياتيرديلدی. 1955-ده اسميت کالج‌دن summa cum laude درجه ايله ماذون اولدو.

قازانديغی فولبرایت بورسويلا کمبریج دانشگاهینا گئتدی و چاليشمالارينی بوردا سوردوردو. شعرلرينی دانشگاهین اؤیره‌نجی درگیسی اولان وارسيتی‌ده ياييملادی. پلات بوردا 1956 ايلينده ائوله‌نه‌جه‌یی اينگيليس شاعری تئد هیوزلا تانيش اولدو. ائوله‌نندن سونرا بوستون‌دا ياشاماغا باشلاديلار. پلات، حامله اولاندان سونرا ايسه اينگيلستانا گئری دؤندولر.

پلات و هیوز، لندن‌ده قيسا سوره ياشایاندان سونرا نورس‌تاتونا يئرلشديلر. اونلارین مسئله‌لری بو دؤنمده باشلادی و ايلک اوشاقلارینین دوغوموندان قيسا سوره سونرا سيلويا پلات لندن‌ه گئری دؤنه‌رک بوشانما ايشلم‌لرينی باشلاتدی.

اجاره توتدوغو ائوين قاباقلار اينگيليس شاعری ويليام بوتلر ياتس‌ین اولدوغونو اؤیره‌نن پلات بونو ياخشی بير اشاره کیمی توتدو. 1962 - 1963 قیشی پلات اوچون چوخ چتین کئچدی. 11 فوریه 1963-ده، ايکينجی مرتبه‌ده‌کی اوتاقدا یاتان اوشاقلاری‌نین يانينا سوت و قورابييه قویدو؛ سونرا، اوتاقلارینین قاپيسينی ايچری گاز گيرمه‌سین دئیه باندلاياراق قاپاتدی و باشینی فرين ايچينه سوخاراق انتحار ائتدی.

انتحارييلا باغلی اری تئد هیوز تنقیدلرله قارشیلاشدی. هیوز ايللرجه بو حاقدا دانیشمادی. داها سونرا خاطره‌لرینی ياييملادی.

1963 ايلينده هله 30 ياشيندايکن انتحار ائدن پلات‌ين حياتی، اوسکار آلان اويونچو جوینئت پالترون اونلو شاعری جانلانديرديغی "سيلويا" فيلمينه ده کئچیریلدی.

پلات‌ين تورکیه تورکچه‌سینه چئوريلن اثرلری آراسيندا "دنیز مایاغی" آدلی رومانی، بيرچوخ انسان طرفيندن ايلک آمريکا فئمينيست رومانی اولاراق دیرلندیریلیر.
.

.
شعر
The Colossus (1960)
Ariel (1965)
Crossing the Water (1971)
Winter Trees (1972)
The Collected Poems (1981)
.

.
دوز يازی
The Bell Jar (1963)
Letters Home (1975)
Johnny Panic and the Bible of Dreams (1977)
The Journals of Sylvia Plath (1982)
The Magic Mirror (1989)
The Unabridged Journals of Sylvia Plath
.
.
اوشاق کيتابلاری
The Red Book (1976)
The It-Doesn't-Matter-Suit (1996)
Collected Children's Stories (İngiltere, 2001)
Mrs. Cherry's Kitchen (2001)
.

.

تورکیه تورکجه‌سینه چئوريلن اثرلری:
.
• آریئل، (ايمگه کيتاب ائوی)
• جانی پانيک و رويالارين قوتسال کيتابی، (آلتی قیرخ بئش يايينلاری)
• سيرچا فانوس، (جان يايينلاری)
• اوچ قادين، (اوغلاک يايين‌چيليق)
• سيلويا پلات‌ين گونجه‌لری، (اوغلاک يايين‌چيليق)
.